Tag: mirmee

सतर्क रहनुहोस : Pls Share

बिशेषगरि हिंजोदेखि भारत( राजस्थान, लखनउ, उत्तर प्रदेश लगायत ) बाट नेपालतर्फ आएको आंधी ( Dust Strom ) को कारण धुलो मिसिएको हिलेबर्षा तथा माटेबर्षा भइरहेको छ । वायुमण्डलमा धूलो सघन रहंदा यस्तो बर्षामा बिभिन्न हानिकारक पदार्थ, रासायनिक पदार्थ, जीवाणु आदि समेत हुने भएकोले केहि दिन बर्षाको पानी प्रयोग नगर्नुहोला । यस्तो पानी संकलन नगर्नुहोला । यो पानीको सेवन गरेमा झाडाबान्ता, टाइफाइड, जन्डिसजन्य समस्या, छालाको एलर्जी, आँखाको एलर्जी तथा अन्य महामारी फैलिने सम्भावना हुन्छ ।

कथंकदाचित हिंजोको पानी ट्यांकीको पानीमा मिसिएको छ भने उक्त पानी निकालेर ट्यांकी सफा गर्नुहोला वा पानीमा क्लोरिन चक्की, पियुष आदि राखेर, उक्त पानीलाई फिल्टर गरेर एबम १५ मिनेट उमालेर मात्र प्रयोग गर्नुहोला ।

सकभर यस्तो पानीमा नभिज्नुहोला । पानी नपर्ने समयमा पनि उक्त मसिनो धुलोबाट बच्न राम्रो गुणस्तरको मास्क लगाउने, आँखा पुरै छोपिने चस्मा तथा शरीर पुरै छोपिने खालका कपडाको प्रयोग गर्नुहोला । बालबालिका, बृद्धबृद्धा, बिरामी तथा श्वासप्रश्वासका बिरामीलाई बिशेष ख्याल गर्नुहोला।

जनचेतनाको लागि डा. रवीन्द्र पाण्डे, जनस्वास्थ्य बिज्ञ

चैत ३ देखी १३ सम्म श्री रामकथा ज्ञान विज्ञान महायज्ञ

कालिगण्डकी उत्तरवाहिनी क्षेत्र पाल्पाको असेर्दी र स्याङ्जा जिल्लाको मालुङ्गामा प्राकृतिक चिकित्शालय र आधुनिक गुरुकुल निर्माण गरिने भएको छ । प्राकृतिक अस्पताल र आधुनिक गुरुकुल निर्माण गर्ने उद्देश्यले उत्तरबाहिनी क्षेत्रमा आज (चैत ३ देखी १३ सम्म) श्री रामकथा ज्ञान विज्ञान महायज्ञ सुरु हुन लागेको हो ।

कुल ३ अर्ब ९५ करोडको परियोजनाका लागि कालिगण्डकी ज्ञान विज्ञान प्रतिष्ठानले अभियान थालनि गरेको हो । कालीकगण्डकी ज्ञान विज्ञान प्रतिष्ठानले कालीगण्डकी कालिगण्डकीको पर्यटन प्रवद्र्धन गर्न, हिन्दू धर्मको संरक्षण, कालीगण्डकी नदी, शालिग्रामको महिमा बढाउन, ऊँकार चक्रशिला संरक्षण, योगध्यान निर्माण, आध्यात्मिक केन्द्र निर्माण गर्न महायज्ञ निर्माण गर्न लागिएको आयोजकले जनाएको छ । महायज्ञका सहसंयोजक पदम अर्यालले ३ अर्ब ९५ करोडको गुरुयोजना सहित महायज्ञ गर्न लागिएको बताए । उनी भन्छन्, ‘गत वर्ष गीता कथावाचन सहित महायज्ञ गरेर ट्रस्ट निर्माण गरेका छौं । अब बृहत्तर विकासका लागि कार्यक्रम गर्न लागेका छौं ।’

विज्ञानलाई ज्ञानका माध्यमबाट कथा प्रवचन गरेर विश्वमा नाम कमाएका चैतन्य कृष्णले महायज्ञ आतङ्क भएको बताएका छन् । उनले स्वार्थबाट अभिप्ररित भएर महायज्ञ लगाउँदा दान गर्नेहरुमा आतङ्क छाएको बताएका हुन् । ‘दान भन्ने कुरा मागेर पाईने होईन । सेवाको भावनाले प्ररित दानमात्र वास्तविक दान हो । महायज्ञ धेरै भएका छन् । हामी कसैसँग केही नमागेर यज्ञ गर्दैछौं,’–चैतन्यले भने ।

निमन्त्रणा:

🌹🌹सम्पूर्ण मा हार्दिक निमन्त्रणा 🌹🌹

अन्य क्षेत्र बार बार – उत्तर गण्डकी एकबार !!!

बृहद् धार्मिक पर्यटकीय स्थल निर्माणार्थ महाअभियानमा छौ !

यो निमंत्रणा शेयर गरेर हजारौ भक्तजन समक्ष पुर्‍याऔँ ।

स्याङ्जा र पाल्पाको संगम स्थल कालीगण्डकीतट उत्तरवाहिनी क्षेत्र महालिङ्ग धाम मालुङ्गा/ हुँगीमा यही चैत्र ३ देखि ११ गते सम्म योगध्यान प्रशिक्षण केन्द्र, प्राकृतिक शिक्षण अस्पताल, आधुनिक गुरुकुलसहितको वृहत्तर पर्यटकीय धार्मिक तीर्थस्थल निर्माणार्थ #विशाल_महायज्ञ आयोजना गरिएको हुँदा यहाँहरूको उपस्थितिका लागि सादर निमंत्रणा गर्दछौँ ।

आयोजक : श्रीकालीगण्डकी ज्ञान विज्ञान प्रतिष्ठान

स्वाइनफ्लु लाग्नबाट कसरी बच्ने?

स्वाइनफ्लु सरुवा रोग हो। यो एक स्थानबाट अर्को स्थानमा चाँडै फैलन सक्छ। त्यसैले सरसफाइमा विशेष ध्यान दिनुपर्छ। सरकारको इपिडिमियोलोजी रोग महाशाखाले पत्रकार सम्मेलन गरेर स्वाइनफ्लु भाइरस फैलिएकाले सबैलाई सचेत हुन विशेष आग्रह गरेको छ।

मिर्मी नजिकको र दैनिक यातायातमा अोहोर-दोहोर हुने  स्याङजाको वालिङमा १८४३ जनाको जाँच गर्दा ६२८ जनामा रुघाखोकी र सय जनामा जाँच गर्दा ४० जनामा उच्च ज्वरो देखिएको छ। वालिङमा स्वाइनफ्लुको महामारी फैलन सक्ने भन्दै सरकारी डाक्टर टोली त्यहाँ औषधिसहित पुगगेको महाशाखाका निर्देशक भीम आचार्यले बताएका छन्। अन्य ठाउँबाट जानकारी नआइसकेको उनले बताए।

अहिलेसम्म ६ जनाको मृत्यु र २०२ जनामा स्वाइनफ्लु देखिएको आचार्य बताउँछन्। यो संख्या बढ्दै जान सक्ने उनले सचेत गराएका छन्।

कसरी बच्ने? उपचार: 

निर्देशक आचार्यका अनुसार ‘टमिफ्लु’ नामक भ्याक्सिन लगाएमा एचवानएनवान नामक भाइरसले शरीरमा संक्रमण गर्दैन। यो १ वर्षसम्मको लागि हुन्छ। एक डोजको लागि १२ सय पर्ने भएकाले अनावश्यक मानिसले भ्याक्सिन नलगाउँदा पनि केही नहुने आचार्य बताउँछन्। 

आचार्यका अनुसार स्वाइनफ्लु भइसकेपछि स्वासप्रस्वास बन्द हुने, शरिरका अंगहरु फेल हुने, पाचन प्रणालीले काम नगर्ने र अचेत हुने जस्ता जटिल अवस्था देखा पर्छ। त्यसैले रुघाखोकी र ज्वरो मात्र आएमा पनि स्वास्थ्य संस्थामा जानुपर्ने आचार्य बताउँछन् । 

सन्२००९ बाट स्वाईन फ्लू महामारीको रुप लिएको पाईन्छ। बार्षिकरुपमा swine flu vaccine लिएमा यसको रिस्कबाट बच्न सकिन्छ। सुंगुरमा लाग्ने यो रोग २००९ बाट मान्छेमा समेत भेटिएको हो। यो सरुवा रोग भएकाले रोगलागेको मान्छे मान्छेको हुलमा नजाने, उपचार गर्ने र सके सम्म साधारण रुघा लागे पनि चेक गराउने गरौं। 

The best means of dealing with swine flu is to prevent it. Hand sanitization is important to stop the spread of the virus. Staying away from infected people will help stop person-to-person transmission.

Like other strains of the flu, H1N1 is highly contagious, allowing it to spread quickly from person to person. A simple sneeze can cause thousands of germs to spread through the air. The virus can linger on tables and surface areas like door knobs, waiting to be picked up.

मिर्मीको चुनावी सरगर्मी

स्थानिय निर्वाचनको सरगर्मी मिर्मी र आसपासका क्षेत्रमा बढेको छ। 

कालीगण्डकी वडा-७ मा आसन्न चुनावका लागि भोट माग्न उमेद्वार सहित समुहमा आउने जानेको चहल पहल बढेसंगै मतदाताहरु समेत उत्साहित छन। यस गाँउपालिकामा सबैभन्दा शिक्षित र सहिष्णु वडा भएकाले यहॉको निर्वाचनलाई यस क्षेत्रकै सुचक निर्वाचनको रुपमा लिईएको वडाका एक उमेद्वारले बताए। निर्वाचन आचार संहिता बारे सबैजना सचेत रहेको बताउदैं मिर्मी डट कमसँग कुरा गर्दै अर्का उमेद्वारले पार्टी जुन भए पनि संयमतापुर्वक चुनाव सम्पन्न गर्न सबैलाई अनुरोध गरे। निर्वाचनमा मुख्यत: नेपाली कॉग्रेस , नेकपा एमाले र माओवादी केन्द्र बीच स्वस्थ प्रतिस्पर्धा हुने आंकलन गरिएको छ। 

साथै यसपाली चुनावमा महिला सहभागिता समेत उल्लेख्य बढेको छ।

कालीगण्डकी वडा-७ मा १५३५ मतदाता

निर्वाचन आयोगले जारी गरेको पछील्लो मतदाता सुची मा स्याङ्जा जिल्ला को कालिगण्डकी गाउँपालिका वडा नं ७ मा जम्मा मतदाता १५३५ रहेका छन । मतदान स्थल भगवति मा वि रहेको छ ।

अन्य वडाहरुको पछिल्ला समाचारमा जानकारीहरु समेट्ने छौं।

Facebook Auto Publish Powered By : XYZScripts.com