Category: कालीगण्डकी गाउँपालिका

चापाकोट नगरपालिकाको मेयरमा कांग्रेसका गिरी विजयी

चापाकोट नगरपालिकाको मेयरमा कांग्रेसका शिवकुमार गिरी विजयी भएका छन् । उनले ५ हजार ९ सय ८९ मत ल्याएर नगरपालीकाको प्रमुखमा विजयी भएका हुन् । उनका निकटतम प्रतिद्वन्द्वी एमालेका बुद्धिमान श्रेष्ठले ५ हजार ८ मत प्राप्त गरेका छन् ।

चापाकोटको उपमेयरमा कांग्रेसकै बिमला श्रेष्ठ विजयी भएकी छिन् । उनले ६ हजार ३ सय ५८ मत ल्याएर विजयी भएकी हुन् । १० वडा रहेको नगरका वडा नं. १, २, ३, ४, ५, ६ र ८ मा नेपाली कांग्रेसको प्यानल नै विजयी भएको छ । यस्तै वडा नं. ७, ९ र १० मा एमालेको प्यानल विजयी भएको छ । वडा नं.१ टिकाराम तिवारी, २ मा सुर्य बहादुर सेन, ३ मा सुन्दर विक्रम खाँण, ४ मा विक्रम सारु, ५ मा इन्द्र बहादुर शाही, ६ मा एकदेव भट्टराई, ७ मा रविचन्द्र बस्ताकोटी, ८ मा नवराज श्रेष्ठ, ९ मा शंकरभक्त भण्डारी र १०मा रामुकोइराला वार्ड अध्यक्षको रुपमा विजयी भएका हुन् ।

Latest:
कालीगण्डकीगाउँपालिका प्रमुखको मत गणना जारी:

नेपाली काङ्ग्रेसका शेरबहादुर थापा : ३७३८
उपप्रमुख : ३५६९

नेकपा एमालेका प्रमुख खिमबहादुर थापा : ३५८३
उपप्रमुख : ३६६१

नेकपा माओवादी केन्द्र प्रमुख इन्द्र थापा : २२०
उपप्रमुख : २३५

कालिगण्डकी गाउँपालिका वडा नं ५ मा वडा अध्यक्ष मा एमाले ३२ मतले बिजयी भएको खवर छ।

यता, काली गण्डकी गॉउपालिकाको वडा-७ सबै भन्दा चासोको विषय बनेको छ। हामीहरु अपडेट गरिरहने छौं। सधैंको चुनावमा यस ठाउँको भोट निर्णायक रहने गरेको बताइन्छ।

मिर्मीमा अहिले सम्म कै नमूना निर्बाचन

मिर्मीमा अत्यन्त शान्त र नमूना निर्बाचन सम्पन्न भएको छ।

त्यस्तै विर्घा, आलमदेवी, जैपते, देउरालीमा पनि  शान्त र सफल निर्बाचन सम्पन्न भएको छ।

(चण्डीभन्ज्यानमा भने हाम्रा  प्रतिनिधिसाथि नभएकोले स्पस्ट समाचार प्राप्त छैन। )

कालिगण्डकी गाउँपालिका वडा नं ७ को मतदान केन्द्रमा निकै नै शान्तिपुर्बक तरिकाले निर्वाचन सम्पन्न भएको छ । १५३७ जना मतदाता रहेको भगवति मावि केन्द्रमा कुल १२०५ मत खसेको छ । जसमा महिलाले ६६४ र पुरुषले ५४१ मत खसालेका थिए । मतदान अवधि भर कैद गरिएका तस्विरहरु:

फोटोमा- कालीगण्डकी गाउँपालिका वडा नम्बर तीन आलमदेवि स्थित अमरदीप आधारभुत विद्यालय मतदान केन्द्रमा एक सय पन्ध्र वर्षिया दमन्ती थापाले मत खसाल्दै ।

भाटखोलामा पनि निर्वाचन अहिलेसम्म कै सौहार्दपूर्णरुपमा सम्पन्न भएको मिर्मी डट कमसँग कुरा गर्दै हाम्रा साथिले तस्विर पठाईदिनु भएको छ।

संघिय संरचना अनुसार प्रदेश नं 4 अन्तरगत कालीगण्डकी गाउपालिका -1 स्याड़्जाको प्युघा निमावि मतदान केन्द्रमा पहिलो चरणको स्थानीय तह निर्वाचन सम्पन्न भएको छ।

प्युघा

स्याङ्जामा शान्तिपूर्ण रुपमा मतदात कार्य सम्पन्न भएको छ । स्याङ्जामामा १,९१,२५३ मतदाता रहेकोमा १,३३,३७८ जना (६९.७३ प्रतिशत) मत (प्रारम्भिक तथ्यांक) खसेको छ । अब स्याङ्जामाका ५०७ जना जनप्रतिनिधीको भविष्य मतपेटिका कैद भएको छ ।

स्यंग्ज़ाका सबै जसो केन्द्रमा अति सौहार्दपुर्णरुपमा मतदानहरु सम्पन्न भएको खबर छ। नेपाल कै शिक्षित र सबल स्यंग्ज़ा बनाउन हजुरहरुको योगदानको हामी कदर गर्छौ। समृद समाजको सुरुवात आफ्नै घरबाट सुरु गरौ। चुनाव जस्ले जितोस्, समाज विकास मुख्य उद्देश्य हुनु पर्यो- वश: त्येही काफी छ।

५ नगरपालिका र ६ गाँउपालिका रहेको स्याङ्जामा कुल मतदाताको ७० प्रतिशत मत खसेको जिल्ला निर्वाचन कार्यालय स्याङ्जाले जानकारी दिएको छ । स्याङ्जामा १ लाख ९३ हजार मतदाता रहेका छन् भने २ सय ८० मतदान स्थल रहेका थिए ।

१९ वर्ष पछि भएको स्थानीय तहको निर्वाचनमा शान्तिपूर्ण वातावरणमा आफुहरुले मतदान गरेको मतदाताहरुले प्रतिक्रिया दिएका छन् । मतदाताहरुले घाम, भोक नभनि घण्टौ लाईनमा बसेर आफ्नो मन पर्ने उमेदवारलाई मतदान गरेका थिए ।

मतदानको समयमा वृद्धवृदा र अपाङ्गहरुलाई व्यवस्थीत तरिकाले मतदान गर्न लगाईएको थियो । मतदान समयमा हुन सक्ने अमानविय घटनालाई रोक्न ठुलो संख्यामा नेपाल प्रहरी, जनपथ प्रहरी र म्यादी प्रहरीको परिचानल गरिएको थियो भने बाहिरी सुरक्षामा नेपाली सेना रहेको थियो ।

मतदान सकिए लगत्तै मदपेटीका सम्वन्धीत नगरपालिका वा गाँउपालिकामा ल्याउने कार्य शुरुभएको छ । मतपेटीकाको सुरक्षा मतदान स्थलमा खटिएका सुरक्षाकर्मीले सुरक्षा दिएका छन् । मतगणना आझैबाट शुरु गरिने निर्वाचन अधिकृतको कार्यालयहरुले जानकारी दिएका छन् ।

तर, स्याङजाको छाङछाङदी ७ नम्बर सिङ्गो वार्डका स्थानीयबासीहरुले भने निर्वाचन नै बहिस्कार गरेको खबर प्राप्त भएको छ। साविकको छाङछाङदी गाविस ७ वार्डलाई वालिङ नगरपालिकामा गाभ्न माग गरिरहँदा स्थानीय र जिल्ला स्तरका नेताहरुले वालिङमा नै गाभ्न सहमति जनाउँदा जनाउँदै पनि अन्तिममा गएर भीरकोट नगरपालिकामा गाभेको विषयलाई लिएर चुनाव बहिस्कार गरेको स्थानियले बताएका छन।

 

स्थानीय तहका प्रमुख, उपप्रमुख र वडाध्यक्षले मासिक तलब पाउने

मिर्मी: स्थानीय तहका प्रमुख, उपप्रमुख र वडाध्यक्षले मासिक तलब पाउने भएका छन्।

संघीय मामिला तथा स्थानीय विकास मन्त्रालयले तयार गरेको स्थानीय तहका पदाधिकारीको सेवा सुविधासम्बन्धी ऐनको मस्यौदामा मासिक तलबको व्यवस्था गरिएको छ। ऐनको मस्यौदा संसदबाट पारित भएपछि कार्यान्वयनमा आउनेछ। तर अहिले स्थानीय विकास मन्त्री नभएका कारण ऐनको मस्यौदा संसद पुग्न सकेको छैन।

मन्त्रालयका सचिव दिनेश थपलियाका अनुसार दैनिक रुपमा कार्यालय आएर सेवा प्रदान गर्नुपर्ने पदाधिकारीलाई न्युनतम सेवा सुविधा दिने व्यवस्था गर्न लागिएको हो। यसरी तलब सुविधा पाउनेमा भने महानगरपालिका, उपमहानगरपालिका, नगरपालिका र गाउँपालिका प्रमुख, उपप्रमुख र वडा अध्यक्षहरु पर्नेछन्।

कसको कति तलब?

महानगरपालिका प्रमुख : ६० हजार

उपप्रमुख : ५० हजार

वडाअध्यक्ष : ३० हजार

उपमहानगरपालिका प्रमुख : ४५ हजार

उपप्रमुख : ४० हजार

वडाअध्यक्ष : २५ हजार

नगरपालिका प्रमुख : ३० हजार

उपप्रमुख : २५ हजार

वडाअध्यक्ष : २० हजार

गाउँपालिका प्रमुख : २५ हजार

उपप्रमुख : २० हजार

वडाअध्यक्ष : १५ हजार

स्थानीय तहमा निर्वाचित वडा सदस्यहरुका लागि एक हजार रुपैयाँ बैठक भत्ता तोकिएको छ।

भनेपछि वेरोजगारहरु अलिकति भए पनि घट्ने भए; होईन त? कस्तो लाग्यो? कमेन्ट गर्नुहोस।

कालीगण्डकी वडा-७ मा १५३५ मतदाता

निर्वाचन आयोगले जारी गरेको पछील्लो मतदाता सुची मा स्याङ्जा जिल्ला को कालिगण्डकी गाउँपालिका वडा नं ७ मा जम्मा मतदाता १५३५ रहेका छन । मतदान स्थल भगवति मा वि रहेको छ ।

अन्य वडाहरुको पछिल्ला समाचारमा जानकारीहरु समेट्ने छौं।

Facebook Auto Publish Powered By : XYZScripts.com