Month: December 2017

शुभ विहानी !!

No Comments

स्वदेश तथा विदेशमा रहनुहुने सम्पुर्णमा शुभ विहानी !!
संघीय लोकतान्त्रिक गणतन्त्र नेपालको एेतिहासिक तथा प्रथम प्रतिनिधिसभा सदस्य निर्वाचन सम्पन्न भएको छ । नेपालीले नयाँ जनादेश मतदान मार्फत प्रकट गरिसकेका छन् । निर्वाचनको दौरान यस मिर्मी पेजबाट विभिन्न राजनीतिक तथा विविध जानकारी प्रस्तुत गर्ने प्रयास गरिरह्यौं साथै स्याङ्जा जिल्लाको मतगणना सम्बन्धी अपडेट समेत गराइरह्यौं । यस दौरान अहोरात्र खटी पोष्ट गर्ने एड्मिन हरुको मुक्तकन्ठले प्रशंसा गर्दछौ ।
सुचना प्रवाहको गतिलो माध्यम बनेको सामाजिक सन्जालको सदुपयोग गर्दै यस क्षेत्रमा हुने विविध कार्यक्रम, अभियान तथा अन्य जानकारी मुलक विषयवस्तु प्रस्तुत गर्ने प्रतिवद्धता व्यक्त गर्न चाहन्छौं ।
सार्वजनिक चासोको बिषयमा खबरदारी गर्दै समृद्ध समाज निर्माणको लागि हाम्रो भूमिका आफ्नो स्थानबाट निर्वाह गर्नेछौ ।
आगामी दिनहरुमा समेत तपाईंको साथ सदा सर्वदा पाइराख्ने अपेक्षा गर्दछौं ।
मिर्मी पेज
www.mirmee.com

Categories: Business, Careers

पार्टी भित्र बाटै आन्तरिक असहयोगको कारण |

No Comments

पार्टी भित्र बाटै आन्तरिक असहयोगको कारण |

श्रदेय नेता गोपालमान श्रेष्ठ हार व्यहोर्न वाध्य भएको विश्लेषक हरूको आशंका |
गोपालमानले आफैँले बनाएको किल्ला गुमाए।
सन्तोष पोखरेल/मोहन गुरुङ।
पोखरा/स्याङजा- बिपीले कुनैबेला भनेका थिए, ‘कांग्रेस खोज्न स्याङ्जा जानु, संगठन हेर्न र सिक्न पनि ।’ यो भनाइले स्याङजामा कांगे्रसको पकड बलियो, चुस्त र दुरुस्त रहेको धेरैको अनुमान थियो । तर, यो पटकको प्रदेश र प्रतिनिधिसभा निर्वाचन परिणामले बिपीको त्यो भनाइलाई गलत साबित गरिदियो ।

वाम गठबन्धनले बिपीको त्यो पुरानो भनाइलाई असफल पारिदियो । प्रदेशसभा र प्रतिनिधिसभामा जिल्लाका विभिन्न दलका ४० जना उम्मेदवार निर्वाचनमा होमिएका थिए । ती उम्मेदवारमध्ये सबैको चासो थियो, स्याङजा–२ का कांग्रेस उम्मेदवार गोपालमान श्रेष्ठको क्षेत्रमा । सरकारका उपप्रधान तथा शिक्षा मन्त्रीसमेत रहेका श्रेष्ठसँग प्रतिस्पर्धामा थिइन् एमाले केन्द्रीय सदस्य पद्माकुमारी अर्याल । अर्याल र श्रेष्ठबीचको रस्साकस्सीले जिल्लामा मात्र नभई क्षेत्र र केन्द्रमा समेत चर्चा बटुलेको थियो ।
२०४८ सालदेखि स्याङजाबाट निर्वाचन जित्दै राष्ट्रिय राजनीतिमा पहुँच बनाएका नेता हुन् श्रेष्ठ । अहिलेको उम्मेदवारीसँगै उनी पाँचौपटक निर्वाचनमा होमिएका थिए । २०४८, २०५१, २०५६ का प्रतिनिधिसभासहित संविधानसभा २०६४ मा उनी उम्मेदवार बनेका थिए ।
संविधानसभा निर्वाचनमा २०७० मा स्याङजा–२ बाट समानुपातिकतर्फबाट सभासद् बनेका थिए । २०५१ मा बाहेक उनले सबै निर्वाचनमा प्रत्यक्ष मत पाएर जित हात पारेका थिए । तर, योपटक अर्यालसँग ३ हजार ७ सय ६ मतको अन्तरबाट श्रेष्ठले पराजय भोगेका छन् । २०४८ पछिका निर्वाचनमा यो उनको दोस्रो हार हो ।

श्रेष्ठ चारपटक मन्त्री भइसकेका छन् । वाणिज्य मन्त्री (२०४८), निर्माण तथा भौतिक योजना मन्त्री (२०५६), वनमन्त्री (२०६४) र उपप्रधान तथा शिक्षामन्त्रीको उनले जिम्मा पाइसकेका छन् । योपटक निर्वाचनमा पराजित श्रेष्ठको राजनीतिक यात्रा करिब टुंगिएको राजनीतिक विश्लेषक बताउँछन् । आन्तरिक असहयोगले श्रेष्ठलाई हारको विन्दुमा पु¥याएको विश्लेषकहरूको भनाइ छ ।
राजनीतिक विश्लेषक दिंकर नेपाल भन्छन्, ‘गोपालमानको पराजय हुनुमा राष्ट्रिय लहर पनि हो । वाम एकताको सन्देश पनि हो ।’ गोपालमानलाई सधैं उम्मेदवार बनाउँदा पनि कांग्रेसभित्र असन्तुष्टि उब्जेको उनी बताउँछन् । ‘गोपालमान हार्नुमा गुटउपगुट पनि कारण हो,’ उनले भने, ‘एउटै नेतालाई बारम्बार उम्मदवार बनाइँदा व्यापक असन्तुष्टि थियो । त्यो असन्तुष्टि मतमार्फत पोखिएको हो ।’
नेपालको विश्लेषणमा गोपालमान स्याङ्जाका निकै नै बलिया र क्षेत्रमा पडक जमाएका उम्मेदवार हुन् ।
उनीबाहेक त्यो क्षेत्रमा अरू नेता उम्मेदवार भएको भए अहिलेको पराजय अन्तर झनै फराकिलो पर्ने उनको भनाइ छ।
‘बलिया उम्मेदवार भएकाले पराजित हुँदा पनि अन्तर कम भएको हो । पकड नराम्रो होइन तर उनी राष्ट्रिय लहरको चपेटामा परेका हुन्,’ उनले भने ।
नेपालको विश्लेषणमा विजयी भएकी वाम गठबन्धनकी उम्मेदवार पद्माले लहरमा अहिले जितको मौका पाएकी हुन् । ‘लाटोको खुट्टा बाठोमा परेको हो,’ उनले भने ।

पद्मा यसअघिकै सभासद् भए पनि उनको उपस्थिति कमजोर रहेको हुँदा गठबन्धन नहुँदाको अवस्थामा पोजिसन बलियो थिएन ।
‘यो मौका अर्याललाई राम्रो राजनीतिक छवि बनाउने अवसर पनि हो,’ नेपालले भने, ‘संविधानसभामा केही नगरेकाले योपटक गर्ने अवसर पनि उनको सामु खडा भएको छ ।’
अर्याल २०३९ सालको स्कुल जीवनदेखि तत्कालीन नेकपा (माले) र अनेरास्ववियुमा आबद्ध भएर राजनीतिक यात्रा सुरु गरेकी थिइन् ।
‘हेभी वेट’ उम्मेदवारका रूपमा लिइएका गोपालमान श्रेष्ठलाई पराजित गरेसँगै अर्यालको चर्चा हवात्तै बढेको छ । पद्माले ३५ हजार १ सय ४२ मत ल्याएर विजयी भएकी हुन् । प्रतिद्वन्द्वी गोपालमानले ३१ हजार ४ सय ३६ मत ल्याए । उनीहरूबीच ३ हजार ७ सय ६ मतान्तर रह्यो ।
गोपालमानले हार बेहोर्नुमा वाम गठबन्धनमात्रै नभएर पार्टीभित्रको असहयोग रहेको कांग्रेस नेताहरूको विश्लेषण छ।
कांग्रेसले उम्मेदवारको टिकट वितरणमा जिल्लाभित्र लामो समयदेखि सक्रिय रहँदै आएका नेतालाई बेवास्ता गरेकाले श्रेष्ठलाई असहयोग भएको नेताहरूको भनाइ छ ।

Categories: Business, Careers

स्याङ्जामा इतिहास रच्दै पहिलो पटक माओवादी पार्टी निर्वाचित

No Comments

२६ मंसिर, स्याङ्जा । स्याङ्जा क्षेत्र नम्बर १ को प्रदेशसभा ‘क’मा माओवादी केन्द्रका उम्मेदवार दिपक थापा निर्वाचित भएका छन् । थापाले  प्रतिद्वन्द्वी कांग्रेसका जिल्ला सभापति एवं पूर्वसांसद कमलप्रसाद पंगेनी
लाई हराएका हुन् ।

थापाले १७ हजार ३९२ र पंगेनीले १४ हजार ६६६ मत पाएका छन् ।

स्यांग्जा को इतिहासमा पहिलो पटक माओवादी पार्टी ले निर्वाचित पद जितेको हो ।

मंगलबार बिहान ११ बजेसम्मको परिणामअनुसार स्याङ्जामा प्रतिनिधिसभा र प्रदेशसभाका सबै क्षेत्रमा वाम गठबन्धनका उम्मेदवारहरु अगाडि छन् ।

क्षेत्रनम्बर १ मा प्रतिनिधिसभातर्फ एमाले उम्मेदवार नारायण प्रसाद मरासिनीले कांग्रेसका राजु थापालाई ३ हजारभन्दा बढी मत अन्तरले पछि पारेका छन् ।

यसैगरी क्षेत्रनम्बर २ मा उपप्रधानमन्त्री समेत रहेका कांग्रेस नेता गोपालमान श्रेष्ठ एमाले उम्मेदवार पद्मा अर्यालसँग २७ सय भन्दा बढी मत अन्तरले पछि परेका छन् ।

प्रदेशसभा तर्फ क्षेत्रनम्बर २ (क)एमाले उम्मेदवार मोहनप्रसाद रेग्मी र २
(ख) माओवादी उम्मेदवार सुर्यप्रसाद गैह्रे अगाडि छन् ।

Categories: Business, Careers

स्याङजामा के के भयो?

No Comments

स्याङजामा के के भयो?

स्याङजामा शनिवार आयोगका प्रतिनिधिले ल्याएको पत्रमा सहमति जनाउँदै आइतबार विहान ८ बजे पुन: सर्वपक्षिय वैठक बसेर ११ बजेवाट मतगणना सुरु गर्ने सहमति सहित बैठक सम्पन्न भएको छ। 

दुई गठबन्धनबाट निस्किएका विवादहरु :

दुवै पक्षबाट उम्मेदवारहरुमाथी हातपात गरिएको आरोप लगाइएको थियो।  सोही विषयलाई लिएर विवाद चुलिदै जाँदा निस्कर्ष निस्कन सकेको थिएन । मुख्य निर्वाचन अधिकृतको कार्यालयले बिहीबारदेखी शनिबारसम्म एउटा पनि सर्वपक्षिय वैठक बसाल्न नसकेपछि दलद्धारा परेका निवेदनलाई निर्वाचन आयोगमा पठाएको थियो । आयोगद्वारा स्याङजामा रोकिएको मतगणना सुचारु गर्न शनिवार दिउँसो पत्र पठायो । पत्रसँगै निर्वाचन आयोगका समानुपातिक तर्फका सहायक निर्वाचन अधिकृत सुशील कोइराला र आयोगकै उपन्यायधिवत्ता धनश्याम ओझाको उपस्थितिमा शनिवार बेलुका ६ बजे बसेको सर्वपक्षीय वैठकमा कुनै पनि दलले विवाद निकालेनन । 

बाम गठबन्धनले मतगणना गर्न रोक लगाउँदै कांग्रेसद्वारा कव्जा गरिएका ४ वटा बुथमा पुन: मतदानको माग राखेर मुख्य निर्वाचन अधिकृतको कार्यालयमा निवेदन दिएको थियो । त्यसपश्चात कांग्रेसले पनि एमालेद्वारा ५ वटा बुथ कव्जा भएको भन्दै मुख्य निर्वाचन अधिकृतको कार्यालयमा निवेदन दर्ता गराएको थियो । 

विवेकशील साझा पार्टी राष्ट्रिय दल नबन्ने निश्चित

No Comments

 ‘योपटक राष्ट्रिय पार्टी, अर्कोपटक देशको नेतृत्व ।’ भन्ने नारा लिएर चुनावी मैदानमा उत्रेको रविन्द्र मिश्र नेतृत्वको विवेकशील साझा पार्टी राष्ट्रिय दल नबन्ने निश्चित भएको छ ।

राष्ट्रिय पार्टी बन्नका लागि प्रत्यक्षतर्फ कम्तिमा एक सिट जितेकै हुनुपर्छ । समानुपातिकतर्फ ३ प्रतिशत मत प्राप्त गरेर थ्रेसहोल्ड कटाउनुपर्ने हुन्छ ।

1. साझा पार्टीले जसरी स्थानीय चुनावमा पूर्वसचिव किशोर थापा, निरुपमा यादव, डा. सूर्यराज आचार्य, रमेश महर्जन र शोभा शाक्यजस्ता प्रवुद्ध व्यक्तिलाई राजनीतिक मैदानमा उतार्‍यो, विवेकशीलले चाहिँ ‘टीन एजर्स’हरुमा बढी भर गर्‍यो 

2. विवेकशील साझा पार्टीलाई पनि टाढाबाट, विदेशबाट हेर्दा सुन्दर र वैकल्पिक शक्तिका रुपमा मानिसहरुले ठानेका थिए, यसको नेतृत्वमा त्यस्तो देखिएन ।

3. मत पत्रमा तराजु खोजेर भोट हाल्न अरू पार्टीलाई जस्तो सहज थिएन।

Facebook Auto Publish Powered By : XYZScripts.com