Category: Mirmee News

भगवती नमुना माविका छात्रलाई सम्मान तथा पुरस्कार

पाठ्यक्रम विकास केन्द्रद्वारा आयोजित 2075 सालको राष्ट्रिय प्रतिभापहिचान कार्यक्रम भगवती नमुना माविका छात्र गौरव पाण्डेयले भाषा साहित्य बिधामा तृतीय स्थान हासिल गरेकोमा विधालयले सम्मान तथा पुरस्कार प्रदान गरेको छ।

जिल्ला स्तरीय प्रतिभा पहिचान कार्यक्रममा 2073,2074 र2075 साल तीन वर्ष नै भाषा र साहित्य विधा तर्फ हाल भगवती नमुना मा.वि मा अध्ययनरत पाण्डेयले ह्याट्रिक गरेका हुन्।

Categories: Mirmee News

शिक्षक पदपूर्ति: आन्तरिक र खुला प्रतिस्पर्धा सँगसँगै खुलातर्फ साढे १२ हजार पदमा विज्ञापन खुलाइने प्राथमिक तहमा मात्रै १० हजार

काठमाडौँ — शिक्षकको आन्तरिक र खुला प्रतिस्पर्धा एकैचोटि गर्ने गरी शिक्षक सेवा आयोगले तयारी अघि बढाएको छ । आयोगका अनुसार खुला प्रतिस्पर्धाबाट स्थायी शिक्षक नियुक्त गर्न करिब साढे १२ हजार पदमा विज्ञापन खुलाउने तयारी अन्तिम चरणमा पुगेको छ ।

आयोगका अध्यक्ष ताना गौतमले प्राथमिक तहमा मात्रै १० हजार पदमा विज्ञापन गर्ने गृहकार्य भइरहेको जनाए । निम्न माध्यमिक र माध्यमिक तहका लागि २ हजार ५ सय पदमा विज्ञापन गरिने उनको अनुमान छ । ‘तयारी गरिराखेका छौं, यो अनुमानित तथ्यांक हो,’ गौतमले भने, ‘छिट्टै खुलाको विज्ञापन गर्छौं ।’ शिक्षा विभागले रिक्त दरबन्दीको विवरण दिएलगत्तै विज्ञापन गर्ने गृहकार्य आयोगले थालेको हो ।

२०६९ पछि प्राथमिक तहका लागि स्थायी शिक्षक छनोट गर्न परीक्षा हुन लागेको हो । ‘लामो समयपछि प्राथमिक तहका लागि परीक्षा सञ्चालन गर्न लागिएकाले धेरै संख्या आवश्यक भएको हो,’ उनले भने । निम्न माध्यमिक र माध्यमिक तहका लागि भने ०७१ र ०७२ सालमा पनि आयोगले परीक्षा लिएर शिक्षक नियुक्त गरेको थियो । स्थगित अस्थायी शिक्षकको परीक्षा पनि एकै समयमा गर्ने गरी तयारी भइरहेको आयोगले जनाएको छ । यसअघि आन्तरिक र खुला प्रतिस्पर्धा एकैचोटि गर्ने भन्दै आयोगले अस्थायी शिक्षकको गत चैत २३ गते तोकिएको परीक्षा स्थगित गरेको थियो ।

आन्तरिक प्रतिस्पर्धाका लागि प्राथमिक, निम्न माध्यमिक र माध्यमिक तहका २२ हजार ७६ पदमा विज्ञापन गरिएको थियो, जसमा २३ हजार ३ सय अस्थायी शिक्षकले आवेदन दिएका छन् । ‘खुलाको विज्ञापन गरेर स्थगित आन्तरिक परीक्षाको पनि मिति तोक्छौं,’ अध्यक्ष गौतमले भने । अस्थायी शिक्षक र विद्यार्थी संगठनले छुट्टाछुट्टै आन्दोलन गरेपछि परीक्षा स्थगित गरिएको थियो ।

शिक्षा, विज्ञान तथा प्रविधिमन्त्री गिरिराजमणि पोखरेलले दुवै परीक्षा एकै दिन गर्ने गरी तालिका सार्वजनिक गर्न आयोगलाई सुझाव दिएको स्रोतले जनायो । आयोगले भने आन्तरिक व्यवस्था मिलाएर खुलातर्फ सबै पदमा प्रतियोगीहरू सहभागी हुन पाउने गरी परीक्षा तालिका बनाउने जनाएको छ ।

आन्तरिकतर्फ ०७२ अघि अस्थायी सेवामा प्रवेश गरेका शिक्षकको दरखास्त लिएर परीक्षा लिन लागिएको हो । अस्थायी शिक्षकले भने परीक्षा लिएर बिदाइ गर्न लागिएको भन्दै सामान्य प्रक्रियाबाट स्वत: स्थायी गर्नुपर्ने माग राख्दै आएका छन् ।

विद्यार्थी संगठनहरूले अस्थायी शिक्षकलाई सामान्य परीक्षाबाट स्थायी गरिन लागिएको भन्दै खुला प्रतिस्पर्धा माग गर्दै आन्दोलन गरेका थिए । शिक्षक र विद्यार्थीको दुईतर्फी आन्दोलनका कारण परीक्षा रोकिएको थियो । ‘आन्तरिक परीक्षा भए पनि योग्य शिक्षक छनोट हुने गरी परीक्षा लिन आयोगलाई भनेको छु,’ शिक्षामन्त्री पोखरेलले भने, ‘परीक्षाका लागि मात्र परीक्षा हुुनु हँुदैन ।’ यस पटक आन्तरिक परीक्षा लिएपछि अस्थायी शिक्षकको समस्या सधैंका लागि समाधान हुने विश्वास उनको छ । ‘पास हुनेले स्थायी भएर अध्यापन गराउनुहुन्छ,’ उनले भने, ‘फेल हुनेहरूलाई गोल्डेन हयान्डसेक गरेर बिदाइ गरिन्छ ।’ अध्यापन अनुमतिपत्र लिएर बसेका विद्यार्थीले खुला प्रतिस्पर्धा गर्न पाउनेछन् ।

प्रकाशित : जेष्ठ २२, २०७५ ०७:४७

https://www.kantipurdaily.com/news/2018/06/05/152816402179889211.html — in Ramechhap, Janakpur, Nepal.

Categories: Mirmee News

पाठ्यक्रम प्रारुप पारित, कक्षा ११ र १२ एकल पथीय

No Comments

काठमाडौं – राष्ट्रिय पाठ्यक्रम प्रारुप पारित भएको छ । शुक्रबार शिक्षा मन्त्री गिरिराजमणि पोखरेलको अध्यक्षतामा बसेको राष्ट्रिय पाठ्यव्रmम विकास तथा मूल्याङ्कन परिषद्ले उक्त प्रारुप पारित गरेसँगै कक्षा ११ र १२ एकल पथीय भएको छ । कक्षा ११ र १२ मा नेपाली, अँग्रेजी, सामाजिक अध्ययन र जीवन उपयोगी शिक्षा गरि ४ विषय अनिवार्य रहने व्यवस्था गरिएको छ । यस्तै ती कक्षामा ३ विषय ऐच्छिक रहने छन् । कक्षा ९ र १० मा ५ वटा अनिबार्य र २ वटा ऐच्छिक विषय रहने व्यवस्था भएको छ । २ वटा ऐच्छिक विषय मध्ये एउटा विषय पेशा व्यवसायिक विषय हुने छ ।

विगत महिनामा भएको कार्य प्रगति सार्वजनिक गर्न शुक्रबार आयोजित पत्रकार सम्मेलनमा शिक्षा मन्त्री पोखरेलले नेपालको संविधान, शिक्षा ऐन र नियमावली अनुरुप हुने गरी राष्ट्रिय पाठ्यक्रम प्रारुप पारित गरेको बताए ।

मूलत हाम्रो संविधानले आत्मसात गरेको सामाजिक न्यायमा आधारित जनशक्ति निर्माण गर्न पाठ्यक्रममा आवश्यक सुधार गरिएको हो, मन्त्री पोखरेलले भने, देशलाइृ आवश्यक जनशक्ति कस्तो बनाउने भन्ने कुरा पाठ्यक्रमले निर्धारण गर्छ त्यो दिशामा हामी अघि बढेका हौं ।

उक्त पाठ्यक्रम प्रारुप अनुसार कक्षा ११ र १२ मा ऐच्छिक विषयहको छनोट गर्दा चार ऐच्छिक विषयहरू मध्ये कुुनै तिन विषयको छनोट विद्यार्थीको रूचि, आवश्यकता, उपलब्ध शिक्षक तथा स्रोत र साधनको आधारमा स्थानीय तहको समन्वयमा विद्यालयले गर्ने ब्यवस्था गरिएको छ । यसरी विषय छनोट गर्दा ऐच्छिक प्रथम, द्वितीय र तृतीयबाट एक एक विषय गरी जम्मा ३ विषय छनोट गर्नु पर्ने छ । दिइएका एक समूहबाट कुनै एक मात्र विषय छनोट गर्नु पर्ने छ । ऐच्छिक प्रथम विषय जुन समूहबाट छानिएको छ ऐच्छिक द्वितीय र तृतीय विषय पनि सोही समूहबाट छनोट गर्नु पर्ने छ ।

चार ऐच्छिक विषय मध्ये एक विषय (ऐच्छिक चतुर्थ) स्थानीय विषय हुने छ । यो विषय मूलत रोजगारमुलक तथा स्वरोजगारमुलक सीप आर्जनको लागि प्राविधिक तथा व्यवसायिक प्रकृतिको हुने छ । यो विषय स्थानीय आवश्यकताको आधारमा सम्बन्धित स्थानीय तहले आफै पाठ्यक्रम विकास गरी कार्यान्वयन गर्न सक्ने छ । तर पाठ्यक्रम संरचनामा दिइएका ऐच्छिक स्थानीय विषयले स्थानीय आवश्यकताको प्रतिनिधित्व गर्ने भएमा सो विषय छनोेट गरी अध्ययन अध्यापन…

स्रोत : edukhabar

Categories: Mirmee News

कोरियन भाषा परीक्षाको केन्द्र तोकियो (सूचीसहित) Exam Centre of EPS

No Comments

रोजगार अनुमति प्रणाली (ईपीएस) कोरिया शाखाले भाषा परीक्षाको मिति र केन्द्र सार्वजनिक गरेको छ । भाषा परीक्षा यही जेठ २६ र २७ गते हुने छ ।

काठमाडौं, ललितपुर र पोखराका बिभिन्न सेन्टरहरुबाट परीक्षा लिइने छ । त्यसका लागि २८ वटा केन्द्र तोकिएको छ ।

भाषा परीक्षा दुई सिफ्टमा हुनेछ । पहिलो सिफ्ट बिहान ८ बजेदेखि १० बजेसम्म र दोस्रो सिफ्ट १२ बजेदेखि ४ बजेसम्म हुने ईपीएस कोरिया शाखाले जनाएको छ ।

कामको लागि कोरिया जान इच्छुकहरुले भाषा परीक्षा उत्तीर्ण गर्नुपर्दछ । सन् २०१९ देखि भने सीप परीक्षण पनि अनिवार्य गरिने भएको छ ।

Categories: Mirmee News

कस्तो बनाउन सकिन्छ कालीगण्डकी गाउँपालिका

No Comments

कस्तो बनाउन सकिन्छ कालीगण्डकी गाउँपालिका

समग्र कालीगण्डकी गाउँपालिकाको विकासका लागि बनाउन सकिने कार्यक्रमहरुः

 कालीगण्डकी गाउँपालिका रिङ्गरोड निर्माण (करेकुवा, आँधीमुहान, मिर्मी, बिर्घा, लसर्घा, कोटाकोट, छिस्दी, कालाओडार, प्युँघा खोर्दी, सटुका, टङ्गलेहवा, बारीचौर, बाँँस्टारी, बेल्टारी हुदै जैपते सम्म)

 धार्मिक एवं ऐतिहासिक स्थल आलमदेवीलाई महत्वपूर्ण पर्यटकिय गन्तव्य बनाउने ।

 रानीघाट – आलमदेवी – रुद«वेणी केबलकार निर्माण

 कालीगण्डकी जलयातायात ( मिर्मी – आँधिमुहान – सेतिवेणी स्तरोन्नती, रुद«वेणी – रिडी – बेल्टारी – राम्दी जलयातायातको सम्भाव्यता अध्ययन)

 प्याराग्लाइडिङको विकास (तम्किकोट – मिर्मी, मसार – लसर्घा बेसी)

 भ्यू टावर निर्माण (दब्छे र कोटाकोट गाउँमा एक–एकवटा)

 पार्क निर्माण (प्रत्येक वडामा पार्क तथा बाल उद्यान निर्माण)

 होमस्टे (इमसिल, दब्छे, आँधिमुहान, आलमदेवी, मसार, घुरडाँडा र प्युँघा)

 कालीगण्डकी ए जलविद्युत परियोजनाबाट प्राप्त रोयल्टी मुख्य प्रभावित यस पालिकामा निकासा गराउने ।

 पक्की पुल

 बेल्टारी – दरपुक

 टङ्गलेहवा – दैलातुङ्ग

 प्युँघा – छेरलुङ्ग

 आँधीमुहान – पाहरेदी

 बिर्घा – अरुवा – पाहाँदी

शैक्षिक क्षेत्रः

 मिर्मी बहुमुखी क्याम्पसको भवन निर्माण तथा स्नातकोत्तर तहको पढाइ संचालन गर्ने ।

 कालीगण्डकी क्याम्पसको स्तरोन्नति तथा आदर्श शैक्षिक ग्रामको विकास गर्ने ।

 आलमदेवी वाणिज्य क्याम्पसमा शैक्षिक कार्यक्रमको विस्तार गर्ने ।

 गाउँपालिका भित्रका आधारभूत तथा मा.वि. तहमा विद्यार्थीको सिकाइ उपलब्धी दर वृद्धि गर्ने कार्यक्रम संचालन गर्ने ।

 मिर्मीमा संभाव्यताको आधारमा इलेक्ट्रिकल, मेकानिकल, भेटेनरी जे. टि. ए., अ.न.मी. मध्ये एक, लसर्घामा कृषि तथा वन सम्बन्धी प्राविधिक शिक्षालयको स्थापना गर्ने ।

कृषि र सिंचाइः

 प्रत्येक वडामा कृषि उपज संकलन केन्द«को स्थापना

 कृषि हाट बजारको व्यवस्थापन

 वडा अनुरुप सम्भावनाको आधारमा पकेट क्षेत्र निर्माण, कृषि व्यवसायिकरणमा जोड

 युवा कृषि तथा पशुपालन कार्यक्रम

 कृषि तालिम, बिउ बिजन वितरण, गरिब र विपन्न वर्गको उत्थानका लागि बिना ब्याज ऋण, बिउ पूँजी तथा साझेदारी कार्यक्रम

 मिर्मी – बिर्घा – लसर्घा – कोटाकोट – प्युँघा – सटुका – बटीचौर – टङ्गलेहवा – बारीचौर – बाँस्टारी – बेल्टारी टारहरुको सिंचाइको संभाव्यता अध्ययन र विकास

उद्योगः

 मिर्मी, बिर्घा तथा लसर्घामा कृषि र वनमा आधारित उद्योग ग्रामको स्थापना

 घरेलु तथा कुटिर उद्योगको विकास

 आरन तथा स–साना भाँडा उद्योगको व्यवस्थापन तथा आधुनिकीकरण

स्वास्थ्यः

 गाउँपालिकाको पायक पर्ने क्षेत्रमा १५ शैयाको अस्पताल निर्माण

 गाउँपालिकाका माध्यमबाट स्वास्थ्य बिमा कार्यक्रम संचालन गर्ने ।

 वडा स्तरीय बर्थीङ सेन्टरको स्थापना

 मिर्मीमा सामुदायिक अस्पतालको निर्माण गर्ने ।

संचारः

 गाउँपालिका भित्रको उपर्युक्त स्थानमा एफ.एम. रेडियो संचालन गर्ने ।

 उपर्युक्त स्थानमा भ(ष्दिचबचथ, सामुदायिक पुस्तकालय स्थापना गर्ने ।

 टेलिफोन टावरको क्षमता अभिवृद्धि गरि गाउँपालिका भित्र इन्टरनेट सेवाको विस्तार गर्ने ।

भाषा, कला र संस्कृतिः

 बिर्घा परासर मन्दिर, मिर्मी शिद्धेश्वर मन्दिरमा संस्कृत भाषा पाठशाला संचालन गर्ने ।

 मगर लगायत अन्य भाषाभाषी, जातजातिहरुको संस्कृति, कला र परम्पराको संरक्षण गर्ने ।

उर्जाः

 कालीगण्डकी बी जलविद्युत परियोजनाको संभाव्यता अध्ययन

 आँधिखोला हाइड्यामको संचालनमा जोड

 

Categories: Mirmee News
Facebook Auto Publish Powered By : XYZScripts.com