Month: May 2017

मिर्मीफाँटमा बन्दै शिवालय मन्दिर

मिर्मीफाँट स्थित नवमिर्मिरे यूवा क्लब र आमासमूह द्वारा संयुक्तमा शिवालय मन्दिर निर्माण कार्य सुरु गरि अहिले मन्दिरको चौथो चरणको ढलान सम्पन्न भैसकेको छ । मन्दिर निर्माणका लागि आर्थिक सहयोग जिविस (साविक), स्थानिय बासिन्दा तथा रोजगारीको सिलसिलामा जाने परदेश बस्ने महानुभावले जुटाउनु भएको थियो । मन्दिर बनेपछि विवाह, ब्रतबन्ध तथा अन्य धार्मिक तथा सामाजिक कार्यको लागि सहज हुने स्थानिय शिक्षक तथा समाजसेवि हरिप्रसाद भट्टराईले बताउनुभयो । साथै मन्दिर संगै पौवाको निर्माण कार्य समेत अगाडि बढाउने जानकारी दिनु भयो ।
मन्दिर निर्माण पस्चात गाउँको शोभा बढ्ने र सामाजिक तथा धार्मिक कार्यक्रम मन्दिर बाटै गर्न सहज हुने भयकाले मन्दिर अत्यावस्यक रहेको जानकारी स्थानिय समाजसेवी युगराज न्यौपानेले दिनु भयो । मन्दिर तथा पौवाको निर्माणका लागि बिदेशमा रकम संकलन गर्नु भएका गायक तथा समाजसेवी छबिकिरण भट्टराई मन्दिरको लागि आवश्यक परे थप आर्थिक संकलन कार्य गर्ने साथै मन्दिरलाई सुन्दर र ब्यवस्थित बनाउनेमा जोड दिनु भयो ।

Mandir

कालीगण्डकीले बगाएर एक किशोर बेपत्ता

स्याङ्गजा

गल्याङ नगरपालिका वडा न ११ जिमुहाँ विराैटा घाट कालीगण्डकीमा करिव १२ वजेकाे समयमा पाैडी खेल्दै गरेका गल्याङ नगरपालिका वडा न ६ पीडिखाेला निवासी बर्स १९का दिनेश सुनार बेपत्ता भएका हुन ।

लेवर काम गरेर अाफ्नाे जिवीका निर्वाह गरेका सुनार वुटवल पावर कम्पनीका लागि ढंुग संङकलन गरेका र केही समय पाैडी खेल्न गएकाे उनका साथी संगै लेवरकाम गरेका पर्बत जिल्ला देउराली गाउँपालिका वडा नं ९ वस्ने बर्स १५का डेमु परिवारले जनाएकाे प्रहरी चाैकी गल्याङका प्रमुख जगदीश तिमिल्सिनाले जानकारी गराउनु भएकाे थियाे । बेपत्ता भएका सुनारकाे खाेजी जारी रहेकाे  प्रहरीले जनाएकाे छ।

नेपालमा खिचेको तस्विरले बेलायतमा जित्यो अनतर्राष्ट्रिय पुरस्कार

नेपालमा खिचेको तस्विरले बेलायतमा अनतर्राष्ट्रिय पुरस्कार जितेको छ ।

चिनियाँ नागरिक चान कोक हुङले सन् २०११ मा खिचेको तस्विरले बेलायतमा आयोजित फोटो प्रतिस्पर्धामा अन्तर्राष्ट्रिय पुरस्कार जितेको हो । फोटोले यहि वर्षको पुरस्कार जितेको द गार्डियन दैनिक अखबारले जनाएको छ । हुङले यो तस्विर सन् २०११ मा लिएका थिए ।

हुङका अनुसार उनले यो तस्व्र काठमाडौंमा लिएका हुन् । फोटोका यि दुई वालकहरु राजधानी काठमाडौंको फोहोर मिल्काउने थुप्रो नजिकै बस्छन् । आफ्नी हजुर आमासित । हरेक दिन यि वालकहरु फोहोरको थुप्रो वरिपरि जान्छन् । तिनले फोहोर पन्छाउँदै केहि न केहि काम लाग्ने वस्तु खोजि गर्छन् । त्यो लगेर बजारमा बेच्ने र त्यसबाट आएको थोरै पैसाले तिनले खानेकुरा किन्ने गर्छन् । त्यसैले गुजारा चलाउँछन् । कुनै दिन केहिपनि फेला नपारेमा यिनले आफ्नी हजुरआमाको गाली खानुपर्छ ।
दूर्भाग्यवस तिनले केहि दिनदेखि कामलाग्ने वस्तु केहिपनि फेला पारेका थिएनन् । काखमा बोकिएको सानो वालक केहि दिनदेखि भोकै थियो । त्यो देखेका हुङले आफूले यो तस्विर लिईसकेपछि केहि पैसा दिएको र त्यसले ति वालकहरुले खाने कुरो किनेको बताएका छन् । उनले प्रश्न गरेका छन् ‘त्यसपछि कसले सहयोग गर्ला यि वालकहरुलाई ?’
यो तस्विर काठमाडौंमा खिचेको बताएपनि काठमाडौंको कुन ठाउँमा हो भन्ने खुलाईएको छैन । चुनलाई यो वर्षको ‘ईन्भाईरोन्मेटन फोटोग्रफर अफ द ईयर’ घोषणा गरिएको छ । वातावरणका क्षेत्रमा उनले खिचेको फोटोलाई अन्तर्राष्ट्रिय पुरस्कार दिएपनि त्यसको राशी कति हो भन्ने फोटो प्रकाशित गरिएको बेलायतको दैनिक अखबार द गार्डियनमा उल्लेख छैन ।

Categories: फोटो Tags: Tags:

जापानमा चेकपोस्ट सार्वजनिक

टोक्यो जापान: स्याङ्ग्जाका कलाकार मुक्तिबाबु अभिनित – चेक पोस्ट नामक छोटो फिल्म सार्वजनिक गरिएको छ।


चलचित्रमा मुक्तिबाबुसँगै बिक्रम अर्याल, सुरेश रेग्मि, ईश्वरी कँडेल, कासी गुरुगं, चेतन अर्याल, लाल शोभा गुरुगं सहित जापानी नागरिक ओता केन्जिको पनि अभिनय देख्न सकिन्छ ।

वास्विक कथा जस्तो देखिने चलचित्रको स्कृप्ट सुरेश रेग्मिले लेखेका हुन् । कथा कुक भिषामा जापान आउने नेपाली युवाको कथामा आधारीत रहेको छ ।
पुरा फिल्म हेर्नुहोस:

चलचित्र ओम प्रकाश गुरुङले निर्देशन तथा छायाँकन गरेका हुन् । यहॉलाई चलचित्र लाग्यो कमेन्टमा लेख्न सक्नुहुनेछ।

Categories: Check post short film Tags: Tags:

स्याङ्गजा सहयोग समाज युएईको नयाँ कार्यसमिती, अध्यक्षमा गैरे

रोजगारीको शिलशिलामा स्याङ्गजा जिल्लाबाट युएईमा आएका नेपालीहरूको साझा सस्था, स्याङ्गजा सहयोग समाज युएईको हालै सम्पन्न चौथौ अधिवेशनले खगेन्द्र गैरेको अध्यक्षतामा २१ सदस्यीय नयाँ कार्यसमिती चयन गरेको छ ।

समाजको वरिष्ठ उपाध्यक्षमा हरि डुम्रे, उपाध्यक्षमा राजु केशी र प्रेम भण्डारी, महासचिव ओमकार पोखरेल , सचिव पर्शुराम भण्डारी (कल्पित) र प्रकाश ढकाल , कोषाध्यक्ष डिल्लीराज न्यौपाने (दिपक), सह–कोषाध्यक्ष जिवन प्रसाद पाठक र प्रवक्तामा मनु क्षेत्री चयन भएका छन् ।

यस्तै सदस्यहरूमा मित्रलाल पाण्डे, हरि अधिकारी, आरती वाग्ले, पिताम्वर अर्याल, प्रदिप भट्टराई, यमनसिंह रानाभाट, सबिना पराजुली डुम्रे, बिष्णु गैरे, बिर बहादुर थापा, मिनाकुमारी गैरे र अर्जुन न्यौपाने चयन भएका छन् ।

भेलाले संगठन विभाग प्रमुख गोविन्द भट्टराई, महिला विभाग प्रमुख यशोदा पराजुली र अनुशासन विभाग प्रमुखमा लेखनाथ न्यौपानेलाई चयन गरेको छ ।

निर्वाचन समितिका संयोजक एकेन्द्रबहादुर थापाको सभापतित्वमा सम्पन्न दोस्रो चरणको कार्यक्रमबाट सर्वसम्मत रूपमा नया कार्यसमिति चयन भएको हो । समाजका निर्वतमान अध्यक्ष कृष्ण न्यौपानेको सभापतित्वमा सञ्चालन भएको कार्यक्रममा नेपाल पत्रकार महासंघ युएईका अध्यक्ष भुपराज बस्याल, एन आर एन युएईका अध्यक्ष रमेश श्रेष्ठ, लक्ष्मण खनाल लगायतले शुभकामना दिएका थिए ।

सन् २०११ मा स्थापना भएको यो संस्थाले युएईमा आएर समस्यामा परेका नेपालीहरूलाई बिभिन्न माध्यमबाट सहयोग गर्दै आएको छ । त्यस्तै गरि आफ्नो जिल्लामा कम्प्युटर शिक्षा , वृद्धाआश्रम लगायतका क्षेत्रमा सहयोग गर्दै आएको छ।

Facebook Auto Publish Powered By : XYZScripts.com