Category: Education

एसइइ परिक्षामा पर्वतको कुस्माबजार स्थित कालीगण्डकी एकेडेमीकी छात्रा अञ्जली पुरी नेपाल टप

यस बर्षको एसइइ परिक्षामा पर्वतको कुस्माबजार स्थित कालीगण्डकी एकेडेमीकी छात्रा अञ्जली पुरीले नेपाल टप गरेकाी छन ।

छात्रा पुरीले सबै बिषयमा ए प्लस सहित ४.०० जिपीए अंक सहित एसइइ उर्तीण गरेका कारण नेपाल टप गरेको दाबी बिद्यालयले गरेको हो ।

अहिले सम्म ४.०० जिपीए अंक ल्याउने बिद्यार्थी अञ्जली मात्र देखिएकी छन । ‘अञ्जलीले नेपाल टप गरेको हाम्रो दाबी छ’ बिद्यालयका प्रिन्सीपल बसन्तकुमार कर्माचार्यले बताए ।

सानै देखि प्रतिभावान छात्रा अञ्जली छात्रबृत्तिमा अध्ययन गर्दै आएकी थिइन । उनका बुवा देबेन्द्र पुरी बहिरा छन भने आमा तुल्सी पुरी पनि बहिरा संघ बागलुङ्गमा कार्यरत छन । उनले एनसर नेपालको पुुर्ण छात्रबृत्तिमा अध्ययन गर्दै आएकी थिइन । पर्वतकै मोदी गाउँपालिका वडा नं ६ गिज्यानका स्थायी बासिन्दा पुरी परिवार पछिल्लोसमय कुस्मा नगरपालिका वडा नं ७ मा बस्दै आएका छन ।

कालीगण्डकी एकेडेमीबाट परिक्षा दिएका अन्य बिद्यार्थीमा एक जनाले ३.९५ जिपिए र ६ जनाले ३.९० जिपीए, ३.८५ ६ जना, ३.८० जिपीए ३ , ३.७५ २ जना, ३.७० ४ जना, ३.६५ २ जना, ३.६० ५ जना र ३.५ मा २ जना जिपीए सहित उर्तिण भएका छन ।

Categories: Education, News Tags: Tags:

सतर्क रहनुहोस : Pls Share

बिशेषगरि हिंजोदेखि भारत( राजस्थान, लखनउ, उत्तर प्रदेश लगायत ) बाट नेपालतर्फ आएको आंधी ( Dust Strom ) को कारण धुलो मिसिएको हिलेबर्षा तथा माटेबर्षा भइरहेको छ । वायुमण्डलमा धूलो सघन रहंदा यस्तो बर्षामा बिभिन्न हानिकारक पदार्थ, रासायनिक पदार्थ, जीवाणु आदि समेत हुने भएकोले केहि दिन बर्षाको पानी प्रयोग नगर्नुहोला । यस्तो पानी संकलन नगर्नुहोला । यो पानीको सेवन गरेमा झाडाबान्ता, टाइफाइड, जन्डिसजन्य समस्या, छालाको एलर्जी, आँखाको एलर्जी तथा अन्य महामारी फैलिने सम्भावना हुन्छ ।

कथंकदाचित हिंजोको पानी ट्यांकीको पानीमा मिसिएको छ भने उक्त पानी निकालेर ट्यांकी सफा गर्नुहोला वा पानीमा क्लोरिन चक्की, पियुष आदि राखेर, उक्त पानीलाई फिल्टर गरेर एबम १५ मिनेट उमालेर मात्र प्रयोग गर्नुहोला ।

सकभर यस्तो पानीमा नभिज्नुहोला । पानी नपर्ने समयमा पनि उक्त मसिनो धुलोबाट बच्न राम्रो गुणस्तरको मास्क लगाउने, आँखा पुरै छोपिने चस्मा तथा शरीर पुरै छोपिने खालका कपडाको प्रयोग गर्नुहोला । बालबालिका, बृद्धबृद्धा, बिरामी तथा श्वासप्रश्वासका बिरामीलाई बिशेष ख्याल गर्नुहोला।

जनचेतनाको लागि डा. रवीन्द्र पाण्डे, जनस्वास्थ्य बिज्ञ

भाई साहब तपाइले कुनै बाँदरलाई यता तिर आउँदै गरेको देख्नु भयो?

एउटा रुखमा बाँदर र बाँदर्नी बसिरहेका थिए।

केही परको खुला चौरमा सिंह घाम तापेर सुतिरहेको थियो।

बाँदर्नीले बाँदरलाई उक्साउँदै भनिन- यदि तिमी पक्कै बहादुर छौ भने ल त सिंहको पुच्छर निमोठेर देखाउ।

बाँदरको लागि प्रतिष्ठाको प्रश्न थियो। उसले गएर डराइ-डराइ सुस्तरी सिंहको पुच्छर निमुठ्यो र न्वारनदेखिको बल लगाएर भाग्यो।

सिंहको निन्द्रो टुट्यो। सिंह जुरूक्क उठ्यो र बाँदरको पछि-पछि दौडन थाल्यो। अगाडि-अगाडि बाँदर पछि-पछि सिंह।

बाँदर दौडदै नजिकको गाउँमा पस्यो र एकजना हजामको पसलमा लुक्यो। त्यो बेला पसलमा हजाम थिएन।

बाँदर पसलमा हजामतको लागि राखिएको कुर्चीमा आरामले बस्यो। जब उसले बाहिर नियाल्यो टाढाँबाट सिंह त्यतै आउदै गरेको देख्यो।

बाँदरले हतारिदै नजिक राखिएको पत्रिका उठायो र आफ्नो अनुहार पत्रिकाले ढाकेर पढेको झैं बाहना गर्न थाल्यो।

केही बेरमा सिंहले नजिक आएर सोध्यो – भाई साहब तपाइले कुनै बाँदरलाई यता तिर आउँदै गरेको देख्नु भयो?

पत्रिकाको पछिल्तिरबाट बाँदरले भन्यो- कुन बाँदरको बारेमा सोध्नु भएको? के त्यही बाँदर त हैन जसले सिंहको पुच्छर निमोठि दिएको थियो?

यो सुनेर सिंह लाजले पानी-पानी भयो र उल्टो पाउ लुक्दै जंगल तिर फर्कियो।

जंगलमा पुगेर सिंहले मिडियावालालाई सरापी रहेको थियो।

सिंह भन्दै थियो- साला मिडियावालाहरू, घटना घट्न के पाएको हुन्छ, तुरून्तै अखवारमा छापी दिइ हाल्नु पर्छ? एक छिन पर्खदा के हुन्थ्यो?

Categories: Education Tags: Tags:

एमबिएस दोस्रो वर्षको परीक्षाको परीक्षाफल प्रकाशित

No Comments

काठमाडौँ – त्रिभुवन विश्वविद्यालय, परीक्षा नियन्त्रण कार्यालयद्वारा २०७४ कात्तिक/मंसिर महिनामा सञ्चालित व्यवस्थापन संकायतर्फको स्नातकोत्तर तह (एमबिएस) दोस्रो वर्ष २०७३ सालको परीक्षाको परीक्षाफल केन्द्रीय परीक्षा सञ्चालक समितिको निर्णयानुसार प्रकाशित गरिएको छ।

परीक्षा नियन्त्रण कार्यालयले बुधबार जनाए अनुसार उक्त परीक्षाको परीक्षाफल वेबसाइट www.edusanjal.com, www.tu.ntc.net.np मा हेर्न सकिनेछ। नेपाल टेलिकमको १६०२ मा डायल गरी प्राप्त निर्देशानुसार थाहा पाउन सकिनेछ भने MBS (space) Roll Number टाइप गरी ३४९४९ मा एसएमएस पठाई प्राप्तांक प्राप्त गर्न सकिनेछ।

Categories: Education

ओप्पोद्वारा फेशनेवल एफथ्री ब्ल्याक भर्जन सार्वजनिक

No Comments

क्रिकेटसंगको सहकार्य मनाउन कम्पनीद्वारा नयाँ टीभीसी पनि सार्वजनिक

२७ जेठ, काठमाडौं । क्यामेरा फोन ब्राण्ड ओप्पोले कालो रङ्मा एफथ्रीको नयाँ भर्जन सार्वजनिक गरेको छ । मध्यम बर्गीय बजार लक्षित कालो रङमा सार्वजनिक गरिएको एफथ्री ब्ल्याक भर्जनको मूल्य ३२ हजार ९ सय ९० निर्धारण गरिएको छ ।

  कम्पनीले केही समय अगाडि ओप्पो एफथ्री प्लस पछि सार्वजनिक गरेको एफथ्री गोल्ड भर्जन, डुअल फ्रण्ट क्यामेरासहित गु्रफ सेल्फी पुस्ता लक्षित दोस्रो स्मार्टफोन हो ।

ओप्पो एफथ्रीमा डुअल फ्रण्ट क्यामेरा उपलब्ध छ । एकल सेल्फीका लागि फोनमा १६ मेगा पिक्सेल र गु्रप -सामूहिक) सेल्फीका लागि वाइड एङ्गल लेन्ससहितको क्यामेरा जडान गरिएको छ ।

उपभोक्ताको आवश्यकता अनुसार उत्पादन उपलब्ध गराउने आफ्नो प्रतिबद्धता पूरा गर्दै ब्राण्डले उपभोक्ता, विशेषगरी युवा पुस्तासंग आफ्नो सम्बन्ध थप सुदृढ गर्न चाहेको जनाएको छ ।

कम्पनीका अनुसार एफथ्रीको ब्ल्याक भर्जन नेपाली बजारमा जेठ २७ देखि प्रमुख मोबाइल बिक्रि केन्द्रहरु मार्फत बजारमा उपलब्ध हुनेछ ।

‘उपभोक्ता मागको सुनुवाइ गर्दै तिनको आवश्यकता अनुरुप उत्पादन उपलब्ध गराउनु हाम्रो प्रमुख प्राथमिकता हो’ ओप्पो एफथ्रीको ब्ल्याक भर्जन सार्वजनिक गर्दै ओप्पो नेपालका प्रमुख कार्यकारी अधिकृत जोनी जीले भने-‘नेपाल प्रवेश गर्दा देखिनै हाम्रा उपभोक्ता, तिनमा पनि विशेषगरी युवा पुस्ताले फोनमा रङ्को विकल्प माग गर्दै आइरहेका थिए । कालो रङ्ले स्टाइल र आत्मविश्वासको समेत प्रतिनिधित्व गर्छ । नयाँ एफथ्री मार्फत हामी उपभोक्तालाई नयाँ स्टाइल स्टेटमेण्ट स्थापित गर्ने अवसर प्रदान गर्न चाहान्छौँ ।’नेपालमा पनि क्रिकेट प्रति कम्पनीको मायाँ दर्साउने सोचका साथ कम्पनीले खेलसंग सम्बन्धित नयाँ टीभीसी सार्वजनिक गरेको छ ।

Categories: Business, Careers, Education
Facebook Auto Publish Powered By : XYZScripts.com