एनआरएनए आईसीसीको कोषाध्यक्षमा महेशकुमार श्रेष्ठको उम्मेदवारी

namaste29

गैरआवासीय नेपाली संघ (एनआरएनए) आईसीसी 2019 को कोषाध्यक्षमा महेशकुमार श्रेष्ठले उम्मेदवारी दिने भएका छन् । एनआरएनए अन्तर्राष्ट्रिय समन्वय परिषदको अक्टोबर 15 देखि 17 मा हुने लागेको नवौं महाधिवेशनमा श्रेष्ठले कोषाध्यक्षमा उम्मेदवारी दिने भएका हुन् ।

एनआरएनए आईसीसी सदस्य रहेका श्रेष्ठले विज्ञप्तीमा जारी गरेर उम्मेदवारीको घोषणा गरेका हुन् । उनले विज्ञप्तिमा भनेका छन्, ‘यही अक्टोवर 15 देखि 17 तारिखसम्म काठमाडौंमा हुन गइरहेको गैरआवासीय नेपाली संघको नवौं महाधिवेशनबाट निर्वाचित हुने आगामी कार्यसमितिको कोषाध्यक्ष पदमा उम्मेदवारी दिने घोषणासहित देहायअनुसार आफ्नो भनाइ राख्ने अनुमति माग्दै यहाँहरुको अमूल्य सुझाव र सहयोगको अपेक्षा गरेको छु ।’

श्रेष्ठले कोषाध्यक्षमा उमेद्वारी घोषणा गर्दै सहयोग र समर्थन गर्न अपिल गरेका छन्। आफू लामो समयदेखि कुनै न कुनै जिम्मेवारीमा रहेर एनआरएनए अभियानमा जोडिदैं आएको र आफ्नो सीप, अनुभव, क्षमता र योग्यतालाई अभियानमार्फत् उपयोग गर्दै मुलुकको समृद्धिमा योगदान दिन उम्मेद्वारी दिन लागेको उनको दाबी छ।

श्रेष्ठले गैरआवासीय श्रमिक कल्याण कोष’ को स्थापना गरी उक्त कोषमा वार्षिक ८ करोड जम्मा गर्ने ठोस योजनासहित ‘मितव्ययिता र पारदर्शिता, आजको आवश्यकता’ भन्ने मूल नारा लिएर अघि सारेका छन्।

श्रेष्ठका प्रतिबद्धता
वार्षिक ८ करोड रुपैयाँ संकलन हुने गरी गैरआवासीय श्रमिक कल्याण कोषको स्थापना गर्ने 
•    आर्थिक हिसाबकिताब अन्तर्राष्ट्रिय मापदण्डअनुसार डिजिटलाइज गरिनेछ। संघको अनुमानित वार्षिक आय-व्यय तय गरी खर्चको विवरण प्रत्येक ३ महिनामा वेबसाइटमार्फत सार्वजनिक गरिने छ।
•    संघको काठमाडौंस्थित सचिवालयको खर्चमा मितव्ययिता अपनाई अझ व्यवस्थित बनाइने छ। साथै आर्थिक स्थायित्वको लागि आवश्यक नयाँ नीति तर्जुमा गर्ने।
•    एनआरएनए केन्द्रीय महाधिवेशन एवं क्षेत्रीय बैठकमा हुने खर्च तथा संघले सञ्चालन गर्ने परियोजनामा गरिने खर्चहरुमा मितव्ययिता, पारदर्शिता एवं आर्थिक अनुशासन कायम गर्ने।
•    सचिवालय सञ्चालन र परियोजनाका लागि सदस्यता शुल्क र पदाधिकारीको व्यक्तिगत सहयोगमा भर पर्नु पर्ने स्थितिको अन्त्य गरी आर्थिक दीगोपनका लागि वैकल्पिक स्रोतको खोजी गर्ने
•    १० अर्बको संयुक्त लगानी कोष स्थापना गरी थोरै आम्दानी हुने गैरआवासीय नेपालीले पनि लगानी गर्न सक्ने वातावरण तयार गर्ने
•    खेलकुद अनि नेपाली भाषा, साहित्य र कला, संस्कृतिलाई विशेष प्राथमिकता क्षेत्रमा राखिने गरी युवा, महिला तथा दोस्रो पुस्तापछिका गैरआवासीय नेपालीहरुको समस्या, चुनौती र अवसरका बारेमा गहन अध्ययन गरी स्वेतपत्र जारी गर्ने
•    भिजन २०२० एन्ड बियोन्ड एनआरएनका लागि मार्गदर्शक सिद्धान्त हो। विश्वभर छरिएर रहेका विभिन्न पेशा, वर्ग, क्षेत्र र विभिन्न समुदायका ६० लाखभन्दा बढी गैरआवासीय नेपालीहरुको साझा संगठनका रुपमा एनआरएनएलाई अघि बढाउन यसको सांगठनिक संरचनामा आवश्यकता अनुरुप परिवर्तन र परिमार्जन गर्ने लगायतका छन्।

Leave a Reply

Your email address will not be published. Required fields are marked *

Next Post

NRNA Election 2019

Non Nepalese Resident Association(NRNA) election 2019 is postponed till 2019 oct 17 10 AM. Previously it was scheduled to be on oct 16th. Election committee has announced that due to some technical preparation it was rescheduled. But delegates for NRNA conference are not satisfied with this decision. This election will […]

You May Like

Subscribe US Now